Mirov - Cengiz Eker - Aryen Yayınları

Wexta ku em bi awayekî rasterast behsa têkiliyan dikin em dibêjin, “Mirov zîndewarekî civakî ye.” û dîsa yeko yeko em ji têkiliyên civakî pêk tên. Ango her mirovek di heman demê de têkiliyek e û civak jî bi rêya ziman xaniyê xwe li ser tora van têkiliyan lê dike. Ev şirove di qada ziman de derî li ber rastiyeke din jî vedike. Ev rastî jî ew e ku; ziman ne tenê yeko yeko mirovan, civakê jî diafirîne. Jixwe em ji gewlaziya têkiliyan a piralî û pir cureyî re dibêjin civak û dîsa em ji rastiya jiyana civakî dizanin ku hemû merhaleyên danûstandin û têkiliyan tenê bi rêya ziman pêk tên. Ma ne wisa ye gelo, heke ziman nebûya bi gotineke din heke axaftin tune bûya me yê îro nikaribûya behsa têkiliyên civakê bikira.